Според последните податоци, во светот со новиот коронавирус досега се заразени вкупно 2.965.730 лица. Од нив починале 205.661, а оздравеле 871.286 луѓе.
– Велика Британија е во деликатна и опасна фаза од епидемијата на коронавирусот и нема да добие вакцина до следната година, изјави денеска заменик премиерот Доминик Раб. На последниот ден на функцијата заменик на Борис Џонсон, министерот за надворешни работи за Скај Њуз рече дека не е „одговорно“ да се изнесуваат начини на кои можат да се олеснат мерките. Тој сепак наговести дека луѓето кои пристигнуваат во земјата мора да бидат приморани на карантин во траење од две недели – максимално време кое е потребно пред некој што е заразен со вирусот да почне да покажува симптоми. Британската Влада е под голем притисок да ги ублажи строгите мерки за социјално дистанцирање, поради загриженоста што и се нанесува на економијата.
Новиот лидер на лабуристите, Сер Кејр Стармер, ги повика министрите да објават стратегија за излез и да го следат примерот на другите земји во „искрени разговори со јавноста за тоа како би моѓеле да изгледаат новите аранжмани”. Раб го отфрли предлогот велејќи: „Мораме да бидеме сигурни дека следните чекори се сигурни, поради шти постапуваме многу внимателно.
– САД се светско жариште на пандемијата на коронавирус. Според последните информации, во земјата се забележани над 940.000 заболени, или речиси една третина од вкупниот број на инфекции на светско ниво. Додека од коронавирусот починале над 54.000 лица, или повеќе од една четвртина од вкупниот број на починати во светот.
– Бројот на нови случаи на коронавирусот во Холандија се зголеми за 655, па вкупниот број на заразени достигна 37.845, соопшти Министерството за здравство. Починале вкупно 4.475 лица.
– Американски видри од две фарми во Холандија се позитивни на Ковид-19.
– Во Африка се регистрирани повеќе од 30.000 случаи на коронавирусот, а заразата е присутна во 54 земји, соопшти денеска Африканскиот центар за контрола и превенција на болести. Досега во Африка од Ковид-19 починале 1.374 луѓе.
– Во Либан од утре ќе стапи во сила одредба со која се олеснуваат некои мерки воведени со цел борба против коронавирусот.
– Првпат од почетокот на кризата на Малта во последните 24 часа не е регистриран ниту еден нов случај на коронавирусот, рече министерот за здравство Крис Фирми и додаде дека поради тоа наскоро ќе се олеснат некои рестриктивни мерки.
– Во Словачка бројот на заболени се зголеми на 1.379. Вкупниот број на починати порасна на 18.
– Според последните официјални податоци, во Англија, Шкотска и Велс во болниците во последните 24 часа починале уште 368 луѓе, вкупно 18.420 до сега. Во оваа бројка не се вклучени смртните случаи од последици од Ковид-19 вон болниците.
– Израелските власти денеска дозволија некои компании повторно да отворат и наведоа дека разгледуваат можност децата да се вратат во училиште како дел од напорите за олеснување на ограничувањата и помошта за економијата.
– Германските власти тестираа 450 жители на еден станбен комплекс во Гревенброих во западна Германија, затоа што две заразени семејства ги прекршиле правилата за карантин.
– Во Португалија 500 мигранти ќе бидат тестирани на коронавирусот, а некои од нив ќе бидат сместени во хостели и апартмани кои се издаваат на туристи и кои се празни поради епидемијата. Чекорот следува откако вирусот минатата недела се појави во еден мигрантски хостел.
– Во БиХ во последните 24 часа се потврдени уште 15 заразени со што вкупниот број на инфицирани со Ковид-19 достигна 826. Вкупно оздравеле 256 пациенти, а почнале 32 лица.
– Во последните 24 часа во Хрватска од Ковид-19 заболеле уште 14 лица, со што вкупниот број на заразени се искачи на 2.030. Во земјата досега починале вкупно 55 лица, а излекувани се 1.103 луѓе.




