Неспособна да се соочи со сопствената одговорност,власта го повикува јавното обвинителство да ја преиспита работата на поранешнто Специјалното јавно обвинитекство,па дури тогаш да се расправа за скандалот со марихуаната. Случај кој оддамна заврши со судска разрешница.Намерата е јасна. Во составот на актуелното јавно обвинителство има обвинители кои биле дел од некогашното СЈО и тие ги сметаат за сериозна закана за актуелните носители на јавни функции. И затоа тие треба да се компромитираат и да немаат кредибилитет да водат постапка против функционери од власта.
Тито Пектковски
За време на социјалистичкиот период, во Македонија, како виц се прераскажуваше една духовита досетка за директорите кои требаше да си заминат од челната позиција во компанијата.
Имено,во услови на лошо работење и постојани загуби на одредена компанија,директорот на компанијата, како поука до својот наследник,во касата за доверливи документи секогаш оставал три писма.Истите се отворале и читале одвоено и по истек на определено време. Првото,па второто и последно се отварало третото писмо.Во првото писмо(парафразирам), стоела порака до новиот директор за тоа што треба да направи во почетокот на својот мандат. Пред се’, да ги употреби сите свои сили,знаења и организациски
способности, за да ја извлече компанијата од криза и работите да тргнат на добро.На крајот од писмото следи препорака според која,доколку и покрај се, не успее да ја надмине кризата и не ја консолидира и стабилизира компанијата,да го отвори второто писмо.
Во второто писмо му се советувало, жестоко да го нападне претходниот директор за неуспесите и неспособност, поради што компанијата влегла во незавидна и безизлезна состојба. На крајот од писмото стоела препорака,доколку не му успее,и покрај употреба на сите средства, доволно да го оцрни и сета вина да ја префрли на преходниот директор,тогаш да го отвори го третото писмо. Во него стоела само една реченица-напиши три писма и поднеси оставка.
Кога гледам како се однесува актуелната влада и особено владеачката партија,се си мислам дека, и по не цели две години од мандатот,првото писмо веќе го искинале, го фрлиле во канта за отпадоци и многу посветено работат на содржините од второто писмо. Во овој момент, не е познато колку долго ќе се задржат на второто писмо. Но,едно што можам да претпоставам е дека,тие не се подготвени самите да го отворат третото писмо и ќе чекаат тоа да го направат граѓаните на предвремени или редовни парламентарни избори. Така налагаат правилата на демократската игра. Кога ќе сеслучат тие,сеуште е неизвесно. Самата најава од владини кругови,за можна реконструкција на владата,во текот на првата половина од оваа година,покажува дека започнале да го скицираат третото писмо.
Сеуште во полн ек се активностите од второто писмо. За секоја лоша политичка одлука,афера или скандал,актуелната влада ја обвинува претходната. Нема потреба,ниту простор да ги спомнувам сите промашени политики на владата,бидејќи добро и се познати на граѓаните. Ќе ги спомнам само двата најсвежи примери,трагедијата во Кочани и “извозот” на пет тона марихуана во соседна Србија.
Кога јавноста и опозицијата побараа да се отвори надзорна расправа во Собранието за кочанската трагедија, поради уврдување на политичка одговорност, власта, таквото барање веднаш го услови со отварање дебата за трагедијата во модуларната болница во Тетово,кој заврши со правна и судска разрешница. И видовме што се случи . Немаше ниту морална ниту политичка одговорност. За кривичната одговорност,надлежните судови,ќе ја утврдуваат во наредните 20 години,се додека предметот не застари.Сета вина е префрлена на некои претходни влади.
По однос на „извозот” на марихуана во Србија, приказната е слична. Говорам за извоз бидејќи дрогата е пренесена со шлепери, на легален граничен премин. За сега нема ни најава за морална или мполитичка одговорност од страна на претставници на власта.Наместо веднаш да се утврди политичката одговорност,за која има многу основи,сведоци сме на активности за спасување на владата и најодговорните владини функционери. Независно дали се работи за организиран транспорт на марихуаната или се работи за пропуст во работата на полицијата и царината при транспортот, одговорноста е многу конкретна. Тешко е да се претпостави дека толкава количина на дрога е можно да се транспортира со коњи и магариња,на диво, надвор од легален граничен премин.
Неспособна да се соочи со сопствената одговорност,власта го повикува јавното обвинителство да ја преиспита работата на поранешнто Специјалното јавно обвинитекство,па дури тогаш да се расправа за скандалот со марихуаната. Случај кој оддамна заврши со судска разрешница. Намерата е јасна. Во составот на актуелното јавно обвинителство има обвинители кои биле дел од некогашното СЈО и тие ги сметаат за сериозна закана за актуелните носители на јавни функции. И затоа тие треба да се компромитираат и да немаат кредибилитет да водат постапка против функционери од власта.
Навистина, делува апсурдно и анахроно, за грешките, пропустите и лошите политики на актуелната влада да се обвинуваат и повикуваат на политичка одговорност претставници на некои поранешни влади или државни институции.
За лошото и неодговорно владеење на претходната влада,своето мислење граѓаните го кажаа на последните парламентарни избори, сместувајќи ги таму кај што треба, во опозиција. Едновремено и дадоа мандат на актуелната власт да ги решаваат проблемите со кои се соочуваат граѓаните, државата и општеството а не секојдневно да ја замајуваат јавноста со својата арогантност, безгрешност и неодговорност.
Од Фејсбук ѕидот на авторот