Благоја Механџиски години наназад е еден од најголемите хуманисти-донатори во Македонија, а донацијата од алкохол за медицинска употреба доаѓа во време на пандемија со Ковид-19, кога е дефицитарен
Донација од три тони алкохол за медицинска потреба и намена добија здравствените установи во Охрид, Струга, Вевчани, Ресен и Битола. Донацијата е релизирана на иницијатива на Општина Охрид и ЈЗУ Општа болница Охрид поради тоа што алкохолот, поради пандемија со коронавирусот е дефицитарен. Донатори на медицинскиот алкохол се компаниите Зегин, Винарија Лозар, НВО Балкан медија, ЈП Охридски комуналец.
Винарија „Лозар“ Велес и Благоја Механџиски донираа 3.000 литри алхохол за медицински потреби за потребите на сите здравстевни центри во државава. Како еден до најголемите донатори -хуманисти, години нананзад, Благоја Механџиски години наназад, упати желби за добро здравје на сите граѓани во Македонија.
“Од името на општина Охрид сакам на тие што се погрижија за да се реализира донацијата да се заблагодарам. Апелирам и на другите компании и поединци од општина Охрид да се вклучат во слични вакви акции во овие тешки моменти, сите заедно да ги пребродиме полесно“, изјави градоначалникот Константин Георгиески.
Доктор Диел Аголи, координатор на кризниот штаб при ЈЗУ Општа болница, се заблагодари до сите компании кои покажале општествена одговорност и помагаат на заедницата, лекарите и здравствените работници во справување со Ковид-19.
Тој потенцира дека Охридската болница досега добила донации и од фирмите АСП, Здружение на возачи, Лајонс клубовите Лихнидос и Деница , Градски отпад и комуналните претпријатија. Обезбедени се 270 скафандери, каљачи, хируршки маски , платнени маски и маски N 95 за работа со најкритични пациенти кои во моментов ги нема.
„Се надевам дека нема да има потреба во полн капацитет да работиме и да покажеме како тоа изгледа. Засега сме задоволни од она што го постигнавме во нашата болница и на организационен план и на начин на кој може да ги дочекаме пациентите. Ние се однесуваме како секој пациент да е заболен од Ковид 19, по препораките од нашето Министерство за здравсто“, изјави д-р Аголи.
Донации од 1000 литри медицински алкохол, Зегин обезбеди и за Инфективната клиника во Скопје, 500 литри за кумановската општа болница и по 300 литри за медицинските установи во Гостивар, Тетово, Дебар и Ростуше.