По повод 3 Мај, Светски ден за слобода на медиумите, Фронтлајн се обрати со три прашања до колумнистот Бранко Тричковски, ветеран во македонското новинарство, поранешен главен уредник на повеќе значајни македонски медиуми, меѓу кои и на политичкиот магазин „Глобус“.
ФРОНТЛАЈН: Како би ја опишале состојбата на медиумите во нашата земја?
ТРИЧКОВСКИ: Малку е да се каже дека е катастрофална. Но не би знаел да кажам дали катастрофата во медиумите ја предизвикува катастрофата во општеството или е обратно. Мислам дека граѓанството, медиумите, политиката, културата и државата, односно институционалната кондиција, се аспекти на општата катастрофа, на метастатични процеси кои ги разоруваат сите ткива и мнозинството поединци, дури и оние кои мислат дека во оваа смртоносна болест нешто добиваат. Медиумите се платформа за изопачување на стварноста, со лаги и манипулации, со квазипатриотски стимулации, со разорување на умот каде и да се наоѓа. Помал е проблемот што тие се во функција на вмро, со мали и малку влијателни исклучоци. Поголем проблем е начинот на кој тоа го прават, а тоа е начин на оглупавување и вредносно унакажување на човекот кој како таков е полесен за контрола. Најлошо пак е тоа што сме влезени во модел кој се саморепродуцира и со секое мрдање ја спушта културната и политичка моќ на граѓанството. На скалата на цивилизациските вредности од еден до десет, Македонија пред триесетина години беше на нивото број шест, сега е на минус два.
Ние повеќе не сме Македонија.
Се разбира вакво озрачување можат да емитираат само глупави и прости медиумски работници, таканаречени новинари, значи не само политички и партиски инструментализирани и корумпирани, туку и ментално хендикепирани.
ФРОНТЛАЈН: Како го оценувате нивото на медиумските слободи и слободата на изразување?
ТРИЧКОВСКИ: Медиумите се слободни да бидат глупави, некултурни, прости, амбициозни шупелки, водени од идејата за сопствената, главно сугерирана, важност и од илузијата дека ги штитат националните интереси и дека во национален интерес е да ја редуцираат македонската мисла на нивото на вмро, а тоа е на нивото на вечерно школо во најзабутаното село.
Во суштина се неслободни односно- малку се заробени, а малку се самозаробени. Неверојатно штетни инстанци.
Сега се во филм дека Македонците треба да ги разбудат и да им оформат водач, така требала да изгледа ремакедонизацијата на Македонија, најглупавиот и најсмртоносниот проект во политичката историја на човештвото.
Сега функциинираат како гаќи на големиот водач, пресаканиот Христијан оф Норд.
Хахаха!
Што да кажам!?
ФРОНТЛАЈН: Кои се Вашите препораки за унапредување на медиумите и зајакнување на медиумските слободи?
ТРИЧКОВСКИ: Само вештачката интелигенција.
Се што како јавна комуникација сега се опфаќа под терминот медиуми, треба да и се предаде на вештачката интелигенција и на роботите, со квалитетно зададена задача: да ги дотераат медиумите да работат за општо добро.
И така да ги работат.
Што нема да биде можно ако не најдат решение за вмро.
Јас верувам дека тоа прво ќе го сторат.
Таканаречените новинари може да ги преземе вмро во своите пирински и други чети.
Човечкиот фактор во Македонија е уништен.
Поголема е веројатноста во Вардар да сретнеш златна рипка, отколку во Македонија нормален човек.
Вмро за Македонците е како златицата за компирите.
И за поширокото граѓанство.
А за медиумите е солна киселина.
Во суштина вмро ја победи Македонија и македонската нација, заедно со историјата од 41 наваму и ги победи сите (99,9 отсто) медиуми.
Мала група скотови, вооружени со еден усран, но привлечен мит, од медиумите, плитката елита и од мнозинството на нацијата која ако не е вештачка не знае што е тоа нација и држава, направи недефинирана органска материја чија бесмисла допрва ќе се утврдува.
Текстот е сопственост на Фронтлајн.мк