Тројца се убиени во фабрика во швајцарскиот град Мензна, а седуммина се тешко повредени во престрелка.
Инцидентот се случил утрово околу девет часот во фабриката за обработка на дрва Кроноспан, известува локалната полиција.
Итните служби и полициските специјалци се наоѓаат на местото на престрелката.
Очевидците тврдат дека се убиени пет луѓе, пренесува luzernerzeitung.ch.
Сепак полицијата информираше за тројца убиени, меѓу нив и напаѓачот, а тешко се повредени седуммина. Очевидците велат дека инцидентот се случил во кантината на фабриката.
На местото се испратени три хеликоптери на швајцарската спасувачка служба. Во блиската болница се пренесени седуммината ранети.
Швајцарија е позната како земја со најголем процент сопственици на оружје во светот, но и стапката на криминал е доста ниска.