Полицијата започна голема потрага по тројца унгарски државјни за кои се претпоставува дека исчезнале на Охридското Езеро, јавува Ohridnews.
Тие деновиве влегле со автомобил во земјава кој бил пронајден кај Градиште. Чуварот на кампот синоќа пријавил во полиција дека не се вратиле, а возилото им стои на паркингот во кампот.
Тројцата Унгарци со чамци влегле да рекреираат на Охридското Езеро по што им се губи трага.
Од СВР Охрид велат дека засега не се пронајдени знаци кои укажуваат на тоа дека се случила трагедија.
На терен се патроли на езерската полиција кои вршат интензивно пребарување, а се проверува и можноста дали можеби лицата по кои се трага влегле во територјалните води на Албанија.
Туристите во земјава влегле пред четири дена на граничниот премин Табановце. Не се знае што се случило со нив. Дали заминале во Р Албанија или можеби ги фатило невреме.