Лажните вести и монтажи по социјалните мрежи се интезивираат со цел заплашување и лажење на граѓаните, иформира Министерката за труд и социјална политика, Мила Царовска на својот фејбук профил.
Таа потенцираше раѓаните да бидат спокојни, бидејќи како што вели, образованието се унапредува и реформира.
– Сите информации кои деновиве се шират поврзани со сексуалното образование како оваа, се целосно лажни и апелирам граѓаните да не наседнуват. Како што многу пати извести БРО, сексуално образование воопшто не се воведува, напиша Царовска.
Таа додаде дека од следната година се планира само пилот проект во четири паралелки од деветто одделение во четири основни училишта.
– Никакви содржини ниту програми не се предвидени во новите содржини и учебници за прво и четврто одделение како што се обидуваат да ја замајат јавноста. Родителите да бидат смирени, се што работиме е максимално транспарентно и во најдобар интерес на децата, вели Царовска.
Таа аапелирше да се следат официјалните канали на МОН и БРО со цел заштита од ваквите манипулации кои, за жал, се почесто ќе ги гледаме.