Трансатлантската комисија за изборен интегритет дојде до докази дека автоматски профили на Твитер стојат зад притисоците за бојкот на гласањето на референдумот в недела.
Во информацијата од оваа Комисија се наведува дека инструментот за мониторинг на социјалните медиуми на Трансатлантската комисија открила дека во последниве 50 дена се појавиле нови автоматизирани профили (ботови), како и зголемување на активноста на нови и и веќе постоечки вакви профили во текот на изминатата недела. Комисијата заклучува дека овој процент на активност на Твитер на национално ниво ги надминува ваквите мониторирани активности на неодамнешните изборни процеси, во Месико и во Италија на пример.
Ваквите новосоздадени профили (креирани пред помалку од 60 дена) е вклучени во 10 проценти од конверзцијата – бројка која е повисока отколку онаа регистрирана на неодамнешните избори во Мексико и речиси три пати повисока отколку на италијанските избори. Наративите што се споделуваат од овие “ботови” се во насока на поддршка на движењето за бојкот и на политичарите или официјалните лица кои го поддржуваат бојкотот на референдумот.
-Алатката за следење покажа дека новите профили сочинуваат 12,5 отсто од вкупниот број на Твитер профили во Македонија. Нивната активност претставува нешто повеќе од десет проценти од вкупниот удел, односно процентот на твитови и споделувања. Пошироко, автоматизираните (ботовски) профили пак сочинуваат околу 12 проценти од вкупниот број профили и 13 проценти од вкупниот број твитови и споделувања (ретвити). Во моментов, алатката за следење не е во можност да го лоцира потеклото на овие упади, се вели во информацијата.
Членовите на Трансатлантската комисија, исто така, дошле до докази за прикриена финансиска кампања од поединци во Грција и Македонија за поддршка на групите кои се против референдумот.
-Јасно е дека ова се заеднички напори за да се спречи демократското право на граѓаните во Македонија и да се делегитимира гласањето за референдум, велат членовите на Трансатлантската комисија за изборен интегритет во врска со најновите вакви докази.
-Само македонските граѓани мора да одлучат каква иднина сакаат за својата земја. Ги повикуваме в недела да го слушат својот глас. Локалните власти, заедно со меѓународната заедница, мора да ги преземат сите неопходни мерки за да обезбедат интегритет на гласањето в недела, и да гарантираат дека никакви противзаконски дејства нема да останат неказнети, велат од Трансатлантската комисија за изборен интегритет.
На крајот се потсетува дека неодамнешните анкети покажуваат дека над 70 отсто од гласачите ќе ја поддржат промената на името, но само 58 проценти од гласачите имаат намера да гласаат.
Што е Трансатлантска комисија за изборен интегритет
Трансатлантската комисија за изборен интегритет (ТСЕИ) е трансатлантска, бипартиска група политички, технолошки, бизнис и медиумски лидери. Со неа претседава поранешниот шеф на НАТО Андерс Фог Расмусен и поранешниот американски секретар за внатрешна безбедност Мајкл Чертоф, чија цел е да поттикне поголем трансатлантски и колективен пристап кон спречување на следен бран предизборни влијанија однадвор.
Кои се членовите
Членови на Комисијата се:
Џо Бајден – потпретседател на САД (2009-2017)
Фелипе Калдерон – Претседател на Мексико (2006-2012)
Мајкл Чертоф – секретар на САД за домашна безбедност (2005-2009), ко-претседавач
Ник Клег – заменик-премиер на Обединетото Кралство (2010-2015)
Ајлин Донахју – Извршен директор, Инкубатор за глобална дигитална политика, Стенфорд Центар за демократија, развој и владеење на правото
Томас Хендрик Илвес – Претседател на Естонија (2006-2016)
Натали Јареско – извршен директор на Одборот за финансиски надзор и управување на Порторико, министер за финансии на Украина (2014-2016)
Танит Кох – главен и одговорен уредник на весникот БИЛД (2016-2018)
Џин Месерве – Сидро / дописник на ABC и CNN (1984-2011), виш соработник во GWU Центарот за сајбер и домашна безбедност (2011-2017
Џон Негропонте, американски заменик државен секретар (2007-2009), американски директор за национална разузнавање (2005-2007)
Виктор Пинчук – украински бизнисмен и филантроп, основач на Фондацијата Виктор Пинчук
Мариети Шааке – член на Европскиот парламент, потпретседател на делегацијата на Европскиот Парламент во САД
Џоана Шилдс – извршен директор на BenevolentAI, британски министер за безбедност и безбедност на интернет и државен потсекретар (2015-2017), член на Горниот дом на Обединетото Кралство