Сите 80 жители на малото шпанско село Церезалес дел Кондадо преку ноќ станале милионери, и тоа само благодарение што нивен сожител е шпанскиот милјардер Антонино Фернандез, сопственик на компанијата што го произведува пивото Корона.
Фернандез во 1949 година емигрирал во Мексико, кога имал 32 години и станал еден од главните директори на компанијата Групо Модело, која го произведува Корона.
Тој почина во август годинава на 99 годишна возраст, а до тогаш беше милијардер, па во својот тестамент на жителите на Церезалес им оставил вкупно 169 милиони фунти или по 2 милиони фунти за секој жител.
Фернандез е роден во сиромашно семејство со 13 деца, и на 14 годишна возраст морал да го прекине школувањето, бидејќи неговите родители не можеле да си го дозволат тоа.
По Шпанската граѓанска војна се преселил во Леон каде ја запознал сопруата Циниа Гонзалес Диез чиј вујко бил сосптвеник на Групо Модело, кој пак ја повикал младата брачна двојка да се преселат во Мексико. Фернандез се вработил во магацин. Со години ја градел кариерата, па во 1971 година станал директор на компанијата чие пиво станува не само најпопуларно во Мексико, туку и огромен извозен феномен.
Максимино Санчез, сопственик на еден бар во селото вели: „Никој од нас немаше пари. Не знам што би се случило да не беше Антонино“.
Фернандез беше признат филантроп кој никогаш не ја заборави својата татковина и има одликување за хуманитарни дела од поранешниот крал на Шпанија Хуан Карлос. Неговото родно село ќе добие и нов центар за култура, а локалната невладина организација исто така наследила добар дел од неговиот имот.