Општина Центар денеска преку соопштение реагира на односот што власта го има кон оваа единица на локалната самоуправа, конкретно по подов денепниот Ден на дрвото.
– Дека општина Центар има „посебен“ третман од државата, го покажува и денешниот случај за „Денот на дрвото“.Државата преку „Македонски шуми“ има различен аршин према единиците на локална самоуправа, па своеволно одлучува која општина колку садници ќе добие за зазеленување на просторот:
– општина Аеродром добива 22.770,
– општина Ѓорче Петров добива 85.293,
– општина Гази Баба добива 67.905, а
– општина Кисела Вода добива 30.000 садници.
Оваа година Општина Центар добива само 120 садници, се наведува во соопштението.
Во прилог на соопштението од Општината испратија и документ од Македонски шуми каде што е наведен бројот на садници што секоја општина ги добива за овој ден.
– За општина Центар, во која власта и градот Скопје направија најбрутална сеча на дрвјата, „цели“ 120 садници. Значи 710 пати повеќе садници се пратени за садење во Ѓорче Петров, отколку во Центар. Жителите на Центар имаат еднакво право на чист воздух. Дури и во предизборен период, кога власта сака да „ќари“ поени на секој можен начин, сите граѓани имаат исти права, се вели во соопштението.