Одбојкарската игра во иднина нема да биде иста. Административниот борд на Европската конфедерација (ЦЕВ) на состанокот во Казањ, Русија, донесе одлука за укинување на задолжителните тајм-аути. Техничкиот одмор што досега беше правило на осмиот и на 16. поен во секој сет заминува во историја.
„На сите натпреварувања во организација на Европската одбојкарска конфедерација ќе нема повеќе технички тај-аути. Оваа одлука важи од 14 мај“, се наведува во соопштението на ЦЕВ.
При објава на одлуката од Казањ се напоменува дека истата ќе важи само за настани под капата на ЦЕВ, но не и за натпревари во националните првенства.