Published: Tuesday, September 12, 2017 09:32
Најмалку две лица загинаа, а петмина се исчезнати во лизгање на земјиштето по обилните дождови и поплави на Филипините, изјавија локални претставници.
Двајца браќа на 14 и 17 години настрадале кога надојдената река ја однела нивната куќа во предградието на Манила.
Сите исчезнати се од провинцијата Лагуна.
Владините служби и училиштата и денеска се затворени, а повеќе летови од аеродромот во Манила се откажани.
Метеоролошката служба предупреди на нови поплави и лизгања на земјиштето на патот по кој се движи циклонот кој доцна синоќа ги погоди источните делови на Филипини.
Силниот тајфун Талим се наоѓа на 865 километри источно од северниот врв на Филипините и се движи кон Тајван и источна Кина.