Црвен крст: Во Јемен над еден милион луѓе се заразени со колера

Меѓународниот комитет на Црвениот крст проценува дека бројот на лица заразени од колера во Јемен се искачил на еден милион, како и дека 80 проценти од жителите на оваа земја немаат доволно храна.

Јемен е зафатен од неколкугодишна граѓанска војна меѓу Владата во која доминираат сунитите и шиитските бунтовници.

Саудиска Арабија, која интервенира на страната на сунитите, ги затвори јеменските пристаништа за испорака на храна и хуманитарна помош за да не му дозволи на Иран да им доставува оружје на шиитските бунтовници, што предизвика хуманитарна катастрофа во Јемен.