Извршниот директор на „Фејсбук“, Марк Цукерберг, изјави дека не планира да се кандидира за претседател на Америка.
На прашањето на новинар на „Базфид“ , тој одговори: „Не, јас сум фокусиран на развивање на Фејсбук и на работата на фондацијата „Чен Цукерберг“.
Шпекулациите дека Цукерберг има намера да се кандидира за претседател се појавија кога тој имаше политички коментари и најави за посети низ САД.
32-годишниот Цукерберг ќе има доволно години за претседателски кандидат во 2020 година.
Во април минатата година, репортерот на „Фортун“ објави дека „Фејсбук“ направил промени во структурата на компанијата кои му дозволуваат на Цукерберг да влезе во изборна трка.
Месецов, сопственикот на социјалната мрежа, најави „личен предизвик“ да ги посети и да зборува со жителите на секоја од државите на Америка.