По самоубиствениот напад врз американската амбасада во Анкара Турските власти стравуваат од натамошни терористички акти, веднаш по самоубиствениот напад врз американската амбасада во Анкара. Турските медиумите информираат дека трагата на атентаторот води во Германија.
Со заштитно елече и автоматски пиштол Еџевит Санли позира на фотографија со две знамиња со срп и чекан и со црвената ѕвезда на комунистите, во влезниот простор на американската амбасада во Анкара.
Оваа фотографија на Санли е дел од писмото кое левичарско-екстремниот револуционерен фронт на Народната Ослободителна партија (ДХКП-Ц) го објавиле на интернет, и со тоа ја преземаат целата одговорност за смртоносниот напад на 1. февруари. Освен тоа, ДХКП-Ц упатува директни навреди до САД нарекувајќи ги “Монструм” кој бил директно одговорен за “секоја капка крв” пролеана во Сирија, Авганистан, Ирак, либија и Египет.
Нападот на оваа група, која во Турција, САД и ЕУ се смета за терористичка организација, бил насочен и против владата на турскиот премиер Реџеп Таип Ердоган.
Самоубиствениот напад на Санли најверојано не е последната акција, предупредуваат левичарските екстремисти. САД требале да ги повлечат Патриот ракетите стационирани како заштита против можни напади од Сирија. Исто така се упатува закана и до турската влада и се вели дека сите безбедносни мерки биле безцелни.