Турската полиција синоќа влезе во просториите на дневниот весник Заман кој е критичен кон претседателот Реџеп Таип Ердоган а по една судска одлука за преземање на контролата врз весникот.
Овој чекор е уште еден удар врз слободата на печатот во Турција.
Турската полиција употреби солзавец и водени топови за да ги растера стотиците демонстранти кои се собраа пред весникот Заман во Истанбул.
Турската влада ја превзема контролата над весникот Заман а причините за ова преземање не беа прецизирани но непријателството помеѓу Ердоган и Заман се одамна познати во Турција.
Групата Заман поседува и весник на англиски јазик и прес агенцијата Чихан. Групата е позната како блиска до Фетулах Гулен, поранешен сојузник на Ердоган кој стана непријател број еден за турската власт по еден корупциски скандал во кој беа споменувани највисоките турски функционери и политичари. Скандалот се случи во 2013 година.
Ердоган го обвинува Гулен дека создал «паралелна држава» чија што цел е да го урне Ердоган од власт додека Гулен и неговите поддржувачи ова го остро го демантираат.
Од овој скандал турските власти во повеќе наврати правеа чистки во полицијата, судството и медиумите и ги обвинуваат поддржувачите на Гулен за тероризам.