Командата на турските вооружени сили изјави дека „неутрализирани се сите елементи одговорни за обидот за државен удар во петокот вечерта.”
Како што објави Асошиејтед Прес, во писмена изјава објавена утринава од Кабинетот на Генералштабот на турските вооружени сили се вели дека „сите терористички елементи биле задушени низ целата земја до 16 часот во неделата.”
„Политичкото раководство, херојството, хероизмот на безбедносните сили и храбрата јавност го дадоа потребнииот одговор на змиите во нашите редови.”, се вели во соопштението.
Покрај тоа, тие наведуваат дека поголемиот дел од припадниците на турската армија немаат никаква врска со неуспешниот обид за воен удар на 15 јули.
Во соопштението се вели дека првите информации за обидот за државен удар Генералштабот ги добил во петокот во 16 часот по локално време и дека за тоа биле известени надлежните служби.
Генералштабот најави дека “најостро ќе биде казнет” секој припадник на вооружените сили кој учествувал во, како што се вели во соопштението, „овој срам.”
Според официјалните податоци од канцеларијата на турскиот премиер, Бинали Јилдирим, за време на обидот за државен удар загинале 232 лица, а повредени се 1 541 луѓе.