Турското обвинителство побара затворска казна до 7 и пол години за 18 новинари, обвинувајќи ги за терористичка пропаганда бидејќи објавиле фотографија на која екстремист држи пиштол над главата на обвинителот убиен во март.
Агенцијата Анадолија пренесе дека затворска казна се бара за новинарите и главниот уредник на опозицискиот Џумухуријет, Кан Дундар.
За време на нападот, Турција ги блокираше социјалните мрежи Твитер и Јутјуб преку кои се споделуваа фотографиите.
Обвинителот Мехмет Сирам Кираз загина подлегнувајќи им на повредите со кои се здоби кога безбедносните сили ги нападнаа припадниците на Револуционерниот фронт за ослободување на народот, кои го заробија Кираз во неговата канцеларија.
На фотографијата имаше и порака од Фронтот, кои порачаа дека доколку владата на Ердоган не ги исполни нивните барања, обвинителот ќе биде убиен.