Турција соопшти дека привремено ќе ја суспендира Европската конвенција за човекови права откако вчера прогласи вонредна состојба во времетраење од три месеци по неуспешниот пуч врз претседателот Реџеп Таип Ердоган.
Заменик-премиерот Нуман Куртулмуш денеска порача дека со тоа го следи примерот на Франција која го направила истото по масакарот во Париз минатата година.
Според Ердоган, тримесечната вонредна состојба ќе им дозволи на властите да дејствуваат брзо и ефикасно против пучистите.
Околу 250 луѓе загинаа а стотици беа повредени кога за време на минатиот викенд, групи од војници поставија тенкови, авиони и хеликоптери на стратешки места во Анката и Истанбул со цел да ја соборат владата на Ердоган, но завршија неуспешно.
Министерот за правда на земјата, Бекир Боздаг порача дека и покрај овие мерки, секојдневното живеење на обичниот народ нема да се промени и дека мерките кои ги презема власта нема да имаа последици врз економијата.