Советот за национална безбедност на Турција побара продолжување на вонредната состојба во земјата, што беше воведена пред три месеци, по обидот за пуч во јули.
– Беше одлучено на Владата да и се препорача да ја продолжи вонредната состојба за ефикасно да се гарантираат заштитата на нашата демократија, правната држава, како и правата и слободите на нашите граѓани, се вели во соопштението на Советот по седницата во претседателската палата во Анкара.
Одлуката на Советот за национална безбедност беше очекувана откако претседателот Реџеп Тајип Ердоган ја спомена ваквата идеја.
Вонредна состојба во земјата беше прогласена на 20 јули, кога Ердоган изјави дека таа на властите ќе им помогне да преземат брзи мерки против одговорните за обидот за преврат.
Советот за национална безбедност, исто така, препорача 15 јули секоја година да се одбележува како Ден на демократијата и слободите.
Досега во Турција за поврзаност со пучот испитани се 70.000 луѓе, од кои 32.000 се во затвор.
Како организатор на пучот Анкара го смета свештеникот Фетула Ѓулен кој живее во егзил во САД и за ко Турција побара од Вашингтон да го уапси и да им го испорача Ѓулен ги негира обвинувањата.