Турските власти издадоа потерница по бившата фудбалска ѕвезда Хакан Шукур во рамки на истрагата за минатомесечниот неуспешен воен пуч.
45- годишниот Шукур се товари дека е член на терористичка група.
Како што објави агенцијата АФП овој термин туското обвинителство го користи за означување на движењето на имамот Фетула Гулен, кого Анкара го обвинува дека стои зад пучот.
Турската државна гаенција АНадолија објави дека поранешниот центарфор Шукур минатата година ја напуштил Турција заедно со семејството, и се верува дека е во САД.
По завршувањето на фудбалската кариера тој влезе во политиката и беше пратеник на владејачката Партија на правдата и благостсојбата на претседателот Реџеп Таип Ердоганво 2011 година. Во 2013 година поднесе оставка по истрагата за корупција која опфати тесен круг соработници околу Ердоган. Тогаш пристапува кон движењето на Гулен.
Шукур ја критикуваше одлуката на власта да ги затвори школите на движењето на Гулен Хизмет. Во јуни беше суден во отстуство по обвинение дека го навредил Ердоган преку социјалните мрежи.