Доналд Туск, претседателот на Советот на ЕУ, го откажа состанокот на лидерите на земјите членки на ЕУ кој требаше денеска попладне да се одржи во Брисел и наместо него закажа самит на лидерите на еврозоната.
– Го откажав самитот на ЕУ. Самитот на еврозоната почнува во 16 часот и ќе трае се додека не се договориме за Грција, напиша Туск на „Твитер“.
Според тоа денеска попладне во Брисел ќе се состанат само шефовите на 19 држави кои се дел од еврозоната, наместо лидерите на сите 28 земји членки не ЕУ.
Министрите за финансии од еврозоната на вонредниот самит вчера не постигнаа договор за доделување на нов пакет помош на Грција во замена за новопредложените реформи.
– Не успеавме да се согласиме, ќе продолжиме утре, изјави холандскиот министер и шеф на еврогрупата Јерун Дејселблум.
Од денешниот состанок зависи дали Грција ќе биде исклучена од Европската Централна банка или ќе и биде дозволено со остри мерки за штедење на остане во еврозоната.




