Првиот човек на ЕУ Доналд Туск во понеделник од Словенија ќе допатува во Македонија и ќе се сретне со престедателот Ѓорге Иванов во 14 часот во понделник на 3 април.
Според агендата на Туск, предвидена е средба од половина час во четири очи, без советници и дипломати.
Потоа во 14,30 минути е предвидена изјава на Туск за новинарите. Потоа околу 15 часот Туск и Иванов ќе ручаат, овој пат со своите советници.
Туск нема предвидено средби со други политичари во Македонија.
Во текот на средбата Туск ќе му порача на претседателот Иванов да преземе одговорност и, според резулатот на изборите, да овозможи формирање влада во Македонија. На ЕУ и е потребна стабилна Македонија со стабилна влада која ќе може да се бори со сите предизвици помеѓу кои е бегалската криза.
Вечерта Туск треба да биде во Софија каде што е закажан за вечера во бугарскиот претседател Румен Радев а утредента на 4 април претседателот на Европскиот совет ќе го мине денот во Бугарија.
Неговата турнеја завршува во Грција на 5 април со средби со грчкиот претседател Прокопиос Павлопулос и премиерот Алексис Ципрас.