Oколу 250.000 профили na Твитер биле објект на хакерски напад, соопштија од седиштето на оваа популарна социјална мрежа. Хакерскиот напад не е аметерски и е дело на професионалци кои многу добро ги познаваат најсовремените техники.
– Хакерите успеале да се здобијат со имињата, и-мејл адресите и лозинките, како и со други податоци на околу 250.000 корисници на мрежата. Не станува збор за изолиран инцидент изјави директорот за безбедност на Твитер Боб Лорд.
Тој појасни дека неговите експерти за безбедноста влегле во трагот на нападот на хакерите, кога тој се извршувал, и успеале набрзо да го прекинат.
Компанијата ги блокирала и лозинките и профилите, за кои се смета дека биле мета на нападот, и ги замолила тие корисници да создадат друга лозинка.
Претставник на Твитер предупреди да не се користи софтверот Јава, затоа што е ранлив на хакерски напади. Вакво предупредување пред извесно време упати и американското Министерство за национална безбедност.
Овој напад следи по главните безбедносни нарушувања на Њујорк тајмс и Вол стрит џрнал кои беа припишани како дело на Кина.
Медиумите како главен виновник на кибер нападите ја посочуваат кинеската Влада. Њујорк тајмс се сомневаат дека сето ова е како последица на негативната медиумска покриеност на кинескиот премиер Вен Џуабао , и притоа додаваат дека доказите укажуваат на обид да се направи мониторинг на целата покриеност на весникот врз Кина.
Интегралниот текст од соопштението на Твитер прочитај те го тука