Тројцата уапсени припадници на ИСИС во Германија се поврзани со напаѓачите во Париз, изјави денеска германскиот министер за внатрешни работи Томас де Мезејер, додавајќи дека биле припадници на притаена ќелија.
Тројцата користеле иста мрежа за шверц на мигранти за да стигнат од Сирија во Европа и имале лажни сириски пасоши направени во иста работилница како и пасошите на ИСИС во Париз.
Германската полиција денеска уапси тројца Сиријци во покраината Шлезвиг Холштајн, под сомнение дека се испратени од Исламската држава во Германија.
Обвинителството се сомнева дека тројцата, на возраст од 17 до 26 години се испратени во Германија во ноември лани „или за да извршат некоја задача или да чекаат следни упатства“.
Засега не е познато што требало да биде мета.
– Во истрагата за сега не се пронајдени информации за конкретна акција или наредба, соопшти федералното Обвинителство.