Најкрвавиот снајперист во американската воена историја вчера бил мистериозно убиен додека му помагал на војник да заздрави од посттрауматски стрес. Крис Кајл, кој се смета дека е одговорен за 160 убиства за време на неговата кариера како американски морнарички снајперист, бил застрелан заедно со друг маж, вели коавторот на книгата на Кајл.
Осомничениот, идентификуван како Еди Реј Рут, бил уапсен.
Кајл, кој ја напишал книгата „Американски снајпер“ за својата воена служба 1999-2009, и другиот маж биле пронајдени мртви на стрелиште во Тексас во саботата. Втората жртва не е идентификувана.
„Ова доаѓа како шок, тоа што Крис, по сè низ што минал, заврши на овој начин, зашто постојат толку многу начини на кои тој можеше да биде убиен во Ирак“, изјавил Скот Мекјуан, кој ја напишал книгата со Кајл.
Кајл отслужил четири борбени мисии на должност во операцијата Слобода за Ирак и на други места, а имал две сребрени ѕвезди и пет бронзени ѕвезди за храброст.