Најмоќниот во светот нарко-бос, Жоакин „Ел Чапо“ Гузман, е убиен во престрелка помеѓу нарко-банди, се сомневаат властите во Гватемала.
Се верува дека педесет и осум-годишниот шеф на Синалоа картелот е помеѓу мртвите тела во руралната област Петен, во Гватемала.
Жителите кои биле сведоци на престрелката им пренеле на властите дека еден од починатите наликува на мексиканскиот нарко-барон.
Војската ја пребарува областа во обид да се лоцира местото на злосторството, крај границата со Мексико, каде што инаку насилствата поврзани со дрога се зголемени.
Жоакин Арчивалдо Гузман Лоера, познат како „Краткиот Гузман“, е еден од најбаринте криминалци во САД.
Тој е најмоќниот нарко-бос откако неговиот ривал беше уапсен во 2003, и од 2009 секоја година наваму прогласен е за еден од најмоќните и највлијателните луѓе од страна на магазинот Форбс. Неговото богатство се проценува на над 1 милијарда долари.
Минатата недела, тој беше прогласен за непријател број 1 во Чикаго, квалификација која не е дадена никому после Ал Капоне.
САД го сметаат како голема закана за чија глава нудат награда и до 5 милиони долари за било каква информација која би водела до него.