Со илузии се освои власта, со илузии се одржува власта. Со илузии се уништува иднината на државата. Иднината на граѓаните! Зарем сеуште со мантрата “Калимеро нема правда”, ќе се гради стратегија за иднината на оваа држава. Поголема самодеструкција од оваа состојба на духот, нема!
Горан Волканоски
Драги мои, дали Новата “нормалност” ве направи посреќни. Дали ги исполни вашите очекувања? Дали сега имате поголема надеж дека ќе живеете во држава која ќе ви обезбеди благосостојба и достоинствен живот?
Илузиите сеуште ни се сервираат на големо.
Милијардите не опсипуваат од сите страни, ама покачување на платите, НЕМА!
Нема ни да има. Надвор од евроинтегративните процеси, остануваме аут од реалните претпоставки кои носат прогрес и повисоки стандарди во секоја смисла. Надвор од овој процес, илузија е дека имаме шанса да ги реализираме нашите стремежи.
Се повеќе запаѓаме во апатија.
Ужасна состојба на рамнодушност и прифаќање на новата “нормалност” како судбина.
Автодеструкција на една нација на која и беше дадена шанса да стане дел од прогресивниот свет.
Повторно одиме во пресрет на уште едни “избори”. Се прашувам, која е смислата на овие избори. И на било кој избори, ако немаме свесност што избираме.
Да! ПРАШАЊЕВО навидум изгледа чудно.
Во нормални околности, би било излишно, непотребно. Нели, се знае?Локални избори би требало да се локални, парламентарни, парламентарни, Претседателски, Претседателски!?
Да, во НОРМАЛНИ, околности!
Во околности кога граѓаните нема да живеат во илузии.
Во околности кога ќе имаат реална слика за последиците од сопствениот избор.
За жал, кај нас, веќе години наназад, се убиваше реалната слика на нашите позиции како држава и народ.
На несреќата на нашите граѓани се градеше рејтинг. Се уништуваше нашата надеж, нашата перспектива и иднина само и само поради една цел. Власт!
Со илузии се освои власта, со илузии се одржува власта.
Со илузии се уништува иднината на државата. Иднината на граѓаните!
Зарем сеуште со мантрата “Калимеро нема правда”, ќе се гради стратегија за иднината на оваа држава. Поголема самодеструкција од оваа состојба на духот, нема!
Ова е само гориво на јавачите на апокалипсата на ова парче земја.
Во името на сите прогресивни сили, во името на сите оние кои го вградиле својот живот во темелите на нашата државност, покажете дека сме достојни на државноста која ја стекнавме.
Бидете одговорни во пресрет на одлуките кои ќе ги носите. Во име на жртвите. Во име на идните генерации. И во име на иднината на своите поколенија бидете креатори на нормалност која ќе ви обезбеди иднина која ја посакувате. Иднина која ќе ги реализира вашите стремежи.
Од Фејсбук ѕидот на авторот