Сепак, сигурен сум дека откако веќе јавно се говори за проблемите и се работи на нивно решавање и откако конечно се носат вистински системски решенија, потребно да се опстои на патот по кој тргнавме. Патот на реформите, а резултатите сигурно ќе дојдат, рече Маричиќ.
Во новогодишната честитка упатена до граѓаните, министерот за правда, Бојан Маричиќ, вели дека треба време за да се амортизираат ударите кон правната држава, кои се, нагласува тој, „секојдневни, од различни центри на моќ“.
– Реформите во секторот со кој раководам не се ниту брзи, ниту едноставни. Удари кон правната држава има секојдневно, од различни центри на моќ, а за демонтирање на остатоците од режимот во судството треба навистина време и трпение. Сепак, сигурен сум дека откако веќе јавно се говори за проблемите и се работи на нивно решавање и откако конечно се носат вистински системски решенија, потребно да се опстои на патот по кој тргнавме. Патот на реформите, а резултатите сигурно ќе дојдат, рече Маричиќ.
Тој додаде дека продолжува филтрацијата на судството, а повеќе судии беа разрешени од страна на Судскиот совет поради констатирано нестручно и несовесно работење.
Маричиќ потсети и дека годинава добивме позитивни извештаи и од Стејт Департментот и од Европската комисија, за делот каде што е констатиран напредок.
– Уште еден доказ дека сето тоа што го работевме периодов, како Влада и како Министерство за правда, доби признание од најрелевантните меѓународни фактори, кои давале слаби оценки во минатото, и тоа токму во делот на владеењето на правото и правната држава, додава тој.