Сатиричниот мурал на славниот графити уметник Бенкси, направен минатата година пред дијамантскиот јубилеј на британската кралица, Елизабета втора, исчезнал од лондонската улица и пред неколку дена се појавил на лицитација во аукциска куќа во Мајами. Вредноста на муралот е проценета на половина милион долари.
Делото кое е со димензии 1,22 на 1,52 метри прикажува дете кое клечејќи над машина шие британско знаме.
Аукциската куќа го опиша делото како „стенсил и спреј на ѕид по повод јубилејот на кралицата“. Тие ја отфрлаат сугестијата дека муралот е украден, велејќи дека дошол од „многу познат колекционер“ кој потпишал договор и дека сè е според законите.
Професорот Пол Гуф, академик кој ја проучува уличната уметност, вели дека тоа најверојатно е дело на Банкси, кој работи анонимно и ретко ги потпишува своите дела. Синџирот продавници ја отфрли одговорноста за отстранувањето на муралот велејќи дека „тие не се сопственици на зградата“.
Станарите на зградата веднаш организираа кампања преку социјалните мрежи, барајќи од аукциската куќа да се откаже од продажбата.