Специјално заседавање во Парламентот на кое треба да се гласа за ослободување на сите активисти, е последниот обид да се запрат анти-владините протести во Киев, но според демонстрантите, со тоа нема да се стопира борбата против претседателот Виктор Јанукович.
Но опозицијата сеуште не ги исполнува условите поставени од власта како би поминала одлуката, услови според кои треба да се напуштат заземените министерства.
Според известувањата на „Ал Џезира“, таквата амнестија нема да го намали „духот на револуцијата“.
„Не сме тука поради амнестија. Тука сме да се ослободиме од мафијата во земјата. Навистина не е важно дали ќе ги ослободат активистите или не, револуцијата ќе продолжи“, вели еден од демонстрантите за медиумот.
Протестите во Украина ескалираа откако владата на Јанукович одби да склучи договор за соработка со ЕУ со цел да ја зацврсти врската со Русија. Оттогаш наваму, демонстрантите го обвинуваат Претседателот на Украина за корупција, прекршување на човековите права и лошо владеење.