Шест украински војници и тројца членови на екипажот загинаа откако проруските сили урнааа воен хеликоптер на украинската војска кај Славјанск.
Информацијата ја потврди портпаролот на владините сили Владимир Селезњов.
Хеликоптерот бил соборен при полетување од планината Карачун над Славјанск каде што е стратешката позиција на артилеријата на владините сили.
Украинскиот претседател се закани со прекинување на примирјето поради инцидентот.
Тој тврди дека проруските сили постојано го кршат примирјето и поради тоа им издал наредба на војската да возвраќа на огнот без двоумење.
Од друга страна, премиерот на самопрогласената Доњецка Народна Република, Александар Бородај изјавил дека Киев не го прекинал огнот без оглед на прогласеното примирје кое треба да важи до 27 јуни.