Украинската Централна изборна комисија (ЦИК) објави почеток на предизборната кампања, изјави денеска претседателот на Парламентот, Олександер Турчинов, кој времено ја презеде и должноста шеф на државата.
Тој на состанокот на пратеничките групи и фракции нагласи дека ЦИК најавува почеток на кампањата за предвремени претседателски избори, а кандидатите уште од утре ќе можат да се кандидираат, јави ИТАР-ТАСС.
Украинското министерство за внатрешни работи издало налог за апсење на сега веќе бившиот претседател Виктор Јанукович.
Ова денеска преку Фејсбук го соопшти првивремениот министер за внатрешни работи Арсен Аваков, наведувајки дека против Јанукович е покренато обвинение за масовно убиство на мирољубиви граѓани. Според Аваков, Јанукович последен пат бил виден на Крим.
Во саботата Врховната рада изгласа отповикување на претседателот Виктор Јанукович и распишани се предвремени избори за 25 мај.
Руското Министерство за надворешни работи, пак, вчера го повика својот амбасадор во Украина да дојде во Москва поради консултации околу влошувањето на ситуацијата во Киев, еден ден откако е сменет Јанукович.