Денес во центарот на Киев се собраа 10.000 луѓе за да кажат “не” за доближувањето на украинската влада до Москва наместо до ЕУ. Витали Кличко, лидерот на опозицијата, тврди дека по 7 јануари, православниот Божиќ, повторно ќе има нов бран на протести.
Кличко, поранешен шампион во бокс, е еден од водачите на опозицијата. Тој ги повика демонстрантите да го зголемат своето присуство на протестите кои траат веќе месец и половина но кои во последните недели изгубија сила.
«Ние сме доволно силни за да победиме», рече денес Кличко пред толпата во Киев убеден дека по Божиќ демонстрантите ќе се вратат да го искажат своето незадоволство.
Немирите во Украина почнаа на 21 ноември откако пропадна потпишувањето на договор за асоцијација помеѓу ЕУ и Украина додека истовремено беше договорена економска соработка со Москва. На 17 декември беше потпишан овој договор кој предвидува кредит од 15 милиони долари за Украина и намалување на цената на гасот за една третина. Украина е во тешка финансиска ситуација.
Кон крајот на декември беше нападната и новинарката Тетјана Чорновол која беше во првите редови на протестите. Таа беше нападната во близина на Киев од непознати лица. Овој настан им даде нов здив на протестантите кои продолжуваат да бараат оставка на владата и на претседателот.