Специјалните единици на украинската полиција денеска се повлекоа од Плоштадот на независност во Киев од кој изутрината беа растерани антивладините демонстранти.
Репортерот на агенцијата Франс прес јавува дека припадниците на полицијата со автобуси го напуштиле плоштадот.
Тие предходно зазеле една третина од главниот градски плоштад, но биле истуркани од илјадниците демонстранти, чиј број се зголемува.
Полицијата со пендреци ги тепаше демонстрантите пред општината, а опозицијата низ прозорците од општинската зграда ги полеваше со течност од противпожарните апарати.
После тоа полицијата се откажа од обидот да ја заземе општинската зграда каде набрзо стигнале уште илјадници демонстранти.
Минатата ноќ припадниците на единиците за разбивање на демонстрации изведоа јуриш врз демонстрантите во Киев и повредија голем број луѓе. Опозицијата потоа најави дека на улиците во Киев ќе излезат „милиони“ противници на претседателот Виктор Јануковиќ.
Како што јавува АП, демонстрантите извикувале „Срамота“ и „Ќе издржиме“ и ја пееле националната химна.
Американскиот заменик државен секретар Викторија Нуланд го посети утрово плоштадот „Независност“ во Киев, каде се уште беа собрани илјадници опозициски демонтранти, на кои им делеше сендвичи. Нуланд притоа разговарала со дел од демонстрантите, а со некои од нив и се гушкаше.
Дали сте во оваа област? Дали сте учествувале во протестите? Споделите ги вашите коментари, фотографии и видео со нас- нашата интернет адреса е tvnovaweb@gmail.com.