Членови на 20 организации во областа на културата, организирани под водство на Синдикатот на културата во Македонија, пред надлежното Министерство одржуваат мирен протест во знак на лошите услови и закони со кои се соочуваат уметниците во Македонија.
Тие велат дека согласно последните измени во законот за култура, уметниците се наречени даватели на услуги во областа на културата, платите им се пониски од просечните и не се вреднува макотрпниот труд и надградувањето на уметниците.
Во расштиман оркестар, тие симболично претставија како изгледа состојбата во културата денес.
Уметниците ги отфрлија обвинувањата дека нивниот протест има политичка позадина и потсетија дека протестирале и кога на власт била друга структура и напоменуваат дека нивниот револт нема да згасне се додека не се донесе закон преку јавна дебата, кој ќе оди во прилог на нивната фела.
На протестот се забележуваат десетици уметници од различни институции со транспаренти а на разглас се пуштаат разни музички дела.