Управниот суд од своето формирање во 2007 година досега има сработено 152.730 предмети. Во моментов активни предмети на кои се работи се 5.735 а на почетокот оваа судска институција почна со работа на 5.409 предмети кои ги презеде од Врховниот суд. Оваа статистика денеска ја презентира претседателот на Управниот суд, Бурим Сејдини за време на промоцијата на новата зграда на Управниот суд која е ставена да функционира од денеска.
„Денеска располагаме со сите предуслови за унапредување и усовршување на судското работење во управните спорови и со одлуките покрај што ја задоволуваме правдата за граѓаните придонесуваме и ќе придонесуваме да се зголеми довербата во судството, изјави претседателот на Управниот суд Сејдини.
На промоцијата на новата зграда на Управниот суд присуствуваа министерот за правда Никола Тупанчевски , претседателката на Врховниот суд Беса Адеми, претседателката на судскиот совет Павлина Црвенковска како и амбасадорот на Мисијата на ОБСЕ, Клеменс Која.
Заедничка заложба на сите беше дека Управниот суд со новата зграда треба да делува мотивирачки врз вработените и судии и судска администрација за зголемување на ефикасноста во правораздавањето во управните спорови.