Ураганот Флоренс што ги погоди американските држави Северна и Јужна Каролина и Вирџинија, во кој досега загинаа 17 луѓе, јавија американски медиуми.
Повеќе од 640 илјади жители се без струја. Градот Вилмингтон во Северна Каролина целосно е отсечен поради поплавите, а официјалните лица побараа помош од полицијата и од националната гарда. Патиштата до градот се непроодни. Вилмингтон има 120 илјади жители.
Ураганот ослабна до ниво на тропска бура, но останува опасноста од поплави поради зголемено ниво на водостојот на реките.
Американски медиуми јавуваат дека во следните денови се можни најголеми поплави во историјата на Северна Каролина. Во градовите Њу Берн и Џексонвил од поплави се спасени повеќе од 900 луѓе. Потенцијалната штета е во распон од десет до 60 милијарди долари.