Утре, 15 октомври “започнува регуларниот период од годинешнава грејна сезона кога испораката на топлинска енергија до потрошувачите се врши по строго утврдени правила и дијаграми во зависност од атмосферските услови и надворешните температури”, соопшти БЕГ.
Во соопштението се вели дека “при одредени атмосферски услови на доволно топло време кога не е потребно никакво греење, се прекинува испораката на топлинска енергија во периодите на високи надворешни температури, а веднаш по намалувањето на надворешните температури под определените вредности, греењето повторно се вклучува”.
Инаку, оваа година грејната сезона почна пред 15 октомври поради наглото заладување и просечни дневни температури пониски од 12 степени.
Потрошувачите можат да се информираат на веб-страницата www.beg-snabduvanje.com.mk (Мрежни правила за дистрибуција на топлинска енергија Прилог 3), или да се обратат до Центарот за грижа за потрошувачи на телефонскиот број 3076-200 или преку мејл на: contact@beg-snabduvanje.com.mk