Published: Monday, March 11, 2013 13:29
Утре започнува конклавата во Ватикан за да избере нов поглавар на Католичката црква. Ако се оди според планот, се очекува да трае најмногу четири дена, изјави прес службата на Ватикан. 115 кардинали со двотретинско мнозинство ќе го изберат наследник на Бенедикт.
Од минатата недела, кардиналите започнаа со одржување на подготвителни состаноци и молитви познати како “Општа конгрегација” пред почетокот на конклавата. Разговорите се одвиваат под заклетва на тајност, но италијанските весници објавија детали од дебатата за проблемите со кои се соочува црквата.
Новиот папа се очекува да биде избран до 19 март.