Осуммина загинати и 11 повредени е билансот од вчерашниот терористички напад во срцето на Љујорк сити, Менхетен. 29 годишниот Сафуло Хабибулаевич Саипов од Флорида, по потекло од Узбекистан е терористот, кој со камионет ги прегази на велосипедска патека.
Висок полициски функционер за Си-Ен-Ен изјави дека во камионетот била пронајдена порака, напишана на англиски јазик во која се наведува дека нападот е извршен во името на „Исламска држава“.
Градоначалникот на Њујорк, Бил де Блазио го оквалификува нападот како „подмолен терористички акт“.
Дваесет и девет годишниот возач беше застрелан од полицијата откако удри со камионетот во училишен автобус и излезе од него вооружен со воздушна пушка и пушка за пејнтбол. Две деца и двајца возрасни што биле во автобусот се повредени.
Шефот на противпожарната служба соопшти дека од 11-те повредени ниту еден не е во животна опасност. Очевидци изјавиле на полицијата дека напаѓачот извикувал „Алаху акбар“ (Господ е голем) излегувајќи од камионетот.
Полицијата пукала кон него и го погодила во стомак и потоа веднаш го уапсила. Напаѓачот е надвор од животна опасност.
Началникот на полицијата изјави на прес-конференција дека истражителите го оквалификувале нападот како „терористички акт“.
Гувернерот на државата Њујорк, Ендрју Куомо нагласи дека осомничениот најверојатно дејствувал сам.- Засега нема докази дека нападот е дел од поширок план, изјави Куомо.
Мажот е идентификуван како Сафуло Хабибулаевич Саипов од Узбекистан, кој во САД влегол во 2010 година. Камионетот што го возел бил со реклама на американската компанија Хоум дипо.
На интернет се појави снимка за која се тврди дека на неа се наоѓа напаѓачот.
Нападот беше извршен во 15 часот по локално време во близина на меморијалниот споменик на Светскиот трговски центар.
Меѓу загинатите се петмина Аргентинци и Белгијка. Во соопштение на аргентинското МНР се нагласува дека жртвите се од градот Росарио и биле дел од група пријатели кои празнувале 30 години од завршување образование на улиците во градот. Белгијката била во посета во Њујорк, заедно со својата сестра и мајката. Други тројца Белгијци се повредени во нападот.
Како одговор на нападот, американскиот претседател Доналд Трамп, кој настанот го оцени како дело на „многу болен и ненормален човек“. побара зајакнување на контролата на американските граници.
Во порака на Твитер, Трамп доопшти дека наредил Министерството за внатрешна безбедност да ја зајакне уште повеќе програмата за проверка на странците кои сакаат да влезат во САД.
– Да се биде политички коректен е добар, но не и за тоа!, додаде Трамп на Твитер.
Последен ваков терористички напад се случи на 22 мај, кога поранешен војник со полна брзина со автомобилот влета на плочникот на Тајмс сквер и уби една млада жена и рани 22 лица.