Истиот ќе биде отворен секој работен ден, од 8:00 до 14:00 часот. Во него ќе работат обучени лица, двајца доктори и две сестри од Поликлиниката на Универзитетот „Св. Кирил и Методиј“ во Скопје .
Согласно актуелната епидемиолошка состојба во државата и согласно заклучокот на Ректорската управа на Универзитетот „Св. Кирил и Методиј“ во Скопје, донесен на Вонредната сеница одржана на 23.8.2021 година, УКИМ побара од Министерството за здравство да овозможи отворање на вакцинален пункт на Универзитетот заради омасовување на вакцинацијата во академската средина, информира денеска Ректорот на УКИМ, проф. д-р Никола Јанкуловски.
Целта на вакциналниот пункт е да се олесни и забрза процесот на вакцинација на студентите и вработените на нашиот Универзитет, со што Универзитетот веќе обезбеди простор и соодветна опрема за таа намена, во Кампусот на општествените науки на приземјето на Економскиот факултет во Скопје, на бул. Гоце Делчев бр.9 В.
Вакциналниот пунк ќе биде ставен во функција на намената до крајот на оваа недела. Истиот ќе биде отворен секој работен ден, од 8:00 до 14:00 часот. Во него ќе работат обучени лица, двајца доктори и две сестри од Поликлиниката на Универзитетот „Св. Кирил и Методиј“ во Скопје . Просторот е снабден со информатичка, како и медицинска опрема согласно постојниот протокол и потребите.
Вакцините, и друга стручна помош, ќе бидат обезбедени од Министерството за здравство на Република Северна Македонија.