Во галeријата во МКЦ вечерва од 20 часот ќе биде отворена изложбата „Небо во лицата“ на сликарот Ване Костуранов. Ова е четврто претставување на сликарот пред скопската публика, на кое ќе бидат изложени триесетина платна работени во техниката акрил на платно.
Костуранов е роден во 1979 година во Струмица и е самоук сликар кој има предизвикано големо интерес во ликовниот свет. Досега учествувал на повеќе групни, а одржал и девет самостојни изложби
На картичките со репродукции од каталогот на изложбата, поетот и сограѓанин на сликарот, Никола Маџиров напишал:
„Во сезоните кога се менуваат ветровите, кога градовите се наоѓаат зад дрвјата подготвени да станат книги, се будат лицата, се будат нивните сонови. Ливада од лица. Планина од плач. Ѕвезди без ѕидови. Тоа е светот на врамените патници. Луѓе прегрнати од спомени, лица загледани во времето, неба загледани во очите“.
Новите дела на Костуранов претставуваат продолжение на претходната серија слики кои беа изложени пред три години под името „Лица под небото“.
Авторот вели дека целината на новите платна сè уште не е завршена и постојано се надополнува трансформирајќи се и надоврзувајќи се на претходните дела