„Каде се сите“ е изложба на „Кооперација“ во чии рамки вечерва, во 19 часот, во просториите на Туристички сојуз на Скопје, Ул. Даме Груев, бл.3, бр.5 (мезанин), Скопје со свои дела ќе се претстават Дијана Томиќ Радевска, Мирна Арсовска, Христина Иваноска, Ивана Драгшиќ, Александар Спасоски, Оливер Мусовиќ, Игор Сековски, Борис Шемов, Симон Узуновски, Игор Тошевски, ОПА, Ѓорѓе Јовановиќ, Никола Узуновски, Филип Јовановски и Владимир Јанчевски.
“Каде се сите?“ се обидува да проговори за специфичните услови во кои уметникот се обидува да го дефинира и проблематизира уметничкото во рамки на политичкиот дискурс.
– Оттука, неминовно се потврдува и значењето на дијалогот помеѓу уметникот и публиката, токму преку делото, имајќи ги предвид сите можни ограничувања во рамки на еден исклучително исполитизиран свет на конфронтации и поделби.
– Уметниците, во метафоричка смисла, отсекогаш својот приватен простор го претварале во јавен преку споделување. Но денес, кога јавниот простор и глобално и локално е под удар на корпоративниот маркетинг и политичката пропаганда, уметниците се принудени тоа да го сторат и буквално, претварајќи ги сите достапни приватни простори во јавни, еден вид заеднички арени каде индивидуалните ставови и вредности би можеле да се преиспитуваат токму преку интензивирана комуникација“, велат од Кооперација во најаваа за овој настан
Изложбата е придружена со јавна дискусија “Уметност и/или политика: Двојното кодирање како предизвик или парадокс?”, која ќе се одржи на утре од 12 до 14 часот, на истата локација.
На дискусијата ќе учествуваат проф. д-р Небојша Вилиќ, историчар на уметност, М-р Сафет Ахмети, историчар на уметност, м-р Харалд Шенкер, аналитичар, Дискусијата ќе ја модерира Владимир Јанчевски