Небото и Универзумот вечерва повторно ни го „ претставуваат“ природниот феномен познат како „метеорски дожд“ или дожд на Персеидите.
Метеорите се природна појава, а луѓето уште ги нарекуваат ѕвезди кои паѓаат. Феноменот е видлив со голо око, но треба да се излезе надвор од урбаните средини поради големата светлина и атмосферското загадување.
Овие светлосни дождови, впрочем се случуваат од големиот број мали тела кои кружат околу сонцето како комети, астероиди , кои со време се распаѓаат.Тоа се матичните тела. Во случај на т.н. Персеиди , тоа е матична комета која сеуште не се распаднала, вели за РТС, Јован Алексиќ од Белградското астрономско друштво.
– Парчињата кои се одделуваат од матичното тело, потоа слободно се движат околу Сонцето. Во текот на годината, Земјата која исто така кружи околу Сонцето, поминува низ така наречен метеорски поток , во кој се наоѓаат остатоци од матични тела кои во вид на метеорски дожд , влегуваат во атмосферата и согоруваат, објаснува Алексиќ.
Тоа што овие „ метеорски дождови“ се случуваат повремено е поради тоа што тогаш Земјата поминува низ ,,метеорски поток“.