Двајцата поранешни водачи на ОВК, Хашим Тачи и Кадри Весели, се изјаснија дека не се виновни по обвинувањето дека извршиле воени злосторства во Гњилане, Будаково и Сметиште. На прашањето на судијата дали ги разбрале точките од обвинението, Тачи и неговиот адвокат изјавија дека не ги разбрале.
„Не ги разбрав, затоа што не можев да ги прочитам, затоа што се многу редактирани“, рече Хашим Тачи, поранешен претседател на Косово.
„Како и повеќето од овие обвиненија, тие се многу редактирани, имиња, места, времиња и поради тоа, мојот клиент г-дин Тачи, и другите не можат да разберат што точно презентира специјалниот обвинител“, рече Грегори Кахое, адвокат на Хашим Тачи.
„На јавноста и кажувам дека има реални редактирања во обвинението, и тие се главно поврзани со имиња на потенцијални сведоци, потенцијални жртви и тие се овластени од моја страна во решението што го дадов“, рече Николас Гилу, судија на претходна постапка.
Обвинението против Тачи, Весели, Красниќи и Селими е поднесено на 26 октомври 2020 година, а од ноември истата година тие се во притвор во Хаг.