https://www.youtube.com/watch?v=7lukYRBM454
Најновиот биланс од жртвите во синоќашниот напад во Ница е 84 загинати и повеќе десетици повредени, од кои голем број се во критична состојба.
Меѓу загинатите има и неколку деца.
Нападот се случи кога камион влета во толпа која го следела огнометот по повод Денот на Бастиља.
Францускиот претседател Франсоа Оланд оцени дека се работи монструозен терористички чин.
На видео снимка се гледа како полицијата се обидува да го запре камионот пред тој да ја зголеми брзината и да влета во масата која била на познатото шеталиште.
Според обвинителот на Ница, Жан Мишел Претре возачот околу два километри возел низ масата. Потоа тој излегол од возилото и почнал да пукал.
Според новинарото во локалниот весник Демиен Алеманд нападот се случил непосредно по завршувањето на огнометот кога масата луѓе почнала да се растура.
Грозоморните снимки од местото на нападот покажуваат редица мртви тела долж шеталиштето.
Француските власти соопштија дека возачот бил застрелан од полицијата, а голем број куршуми завршиле и во 25 тонскиот камион.
Во камионот се пронајдени неколку вида оружје, пушки и гранати.
Засега никој не ја презеде одговорноста за нападот, додека полциијата го идентификува напаѓачот како 31- годишен Франко, роден во Тунис, додека според документите пронајдени во камионот тој бил сопственост на жител на Ница.
Францускиот претседател ви синоќешното обраќање до нацијата рече дека нема сомнение дека се работи за терористички напад.
Обвинителот на Париз отвори истрага за убиство, обид за убиство и организирање група поврзана со терористичка организација. Во истрагата е вклучено и француското разузнавање и правната полиција.