Денеска во Стопанската Комора се одржа средба на претседателот Бранко Азески и претседателите на регионалните комори.
„Разговаравме за скапите суровини, скапите енергенси пред се струјата, проблемите со администрацијата од аспект на издавањето дозволи за компаниите да можат да поставуваат сопствени панели за струја во пресрет на зимата, за можностите државата да не ги покачува даноците и другите давачки, натаму за задржување на работниците за да не ни заминат по туристичките центри, па нашиот пазар да остане покус за работна сила, вели претседателот Азески.
Претседателката на регионалната комора од Прилеп Ирена Јакимовска изјави дека од голема помош би било ако локалната самоуправа го олесни начинот за дозволи за инсталирање сопствени панели на сончева енергија, во услови на скапа струја и најави за можен недостаток од истата.
„Треба заеднички да седнеме на маса и да носиме се заеднички она што е најдобро за нашите компании кои се борат да ја задржат ликвидноста и бројот на вработени, правиме максимилизација на ресурсите и задржување на вработените, изјави Јакимовска.
Претседателот на регионалната стопанска комора од Битола, Митко Велковски рече дека веќе четврт месец како и се обраќаат на Владата за поддршка од енергенси и струја зашто биле изложени на процес за преживување компаниите од Пелагонија и од Преспа.
„Ние сме свесни за состојбата, но инвестицијата во исползувањето на соларната енергија е стратешка. Таков третман имаат компаниите во Србија и во Босна. Потребна е стимулација за да не потонеме, рече Велковски.
Ако е потешко да се менува структурата на бизнисот, ние приоритетот го ставаме на фотоволтаиците, дозволите да се добиваат побрзо зашто тука би ги имале набрзите ефекти.Она што треба да се направи е да се задржи извозот само тоа може да ја одржи економската и секоја друга сигурност во земјата, рече Азески.
„Стопанската комора има низа предлози: намалување на сивата економија, запирање на митото и корупцијата, гасификацијата, разни стимулации за извозно ориентираните компании.Ние сега треба да се свртиме кон капиталот кон работникот кој е составен дел, капиталот да каже што му е најпотребно и да биде поддржан со скромна поддршка. Ова е време на преживување никој не може да предвиди што ќе се случува, никој не може да предвиди колку ќе потрае. Да помогнеме сите на државата но и да видиме дека државата сака да си помогне самата на себеси, изјави Азески.
( М. Трпческа )