Возачи во Полска денеска ги блокираа бензинските пумпи во знак на протест поради поскапувањето на горивата. На социјалните мрежи беше објавено дека се организирани блокади на бензинските пумпи во различни региони на Полска.
Во мај годинава горивото за приватните потрошувачи е за 35,4 отсто поскапо од лани и пет отсто повеќе од април годинава.
Сегашната просечна цена за литар безоловен бензин од 95 октани е околу 1,86 долари, пишуваат тамошните медиуми.
Блокадите се одвиваа така што оние што наточиле гориво на пумпите потоа ги оставале возилата да стојат на истите при што се создавале редици зашто тие со наполнето гориво или зборувале по телефон или со другите кои исто така веќе ги наполниле своите резервоари.