По обилните дождови во Внатрешна Моноголија во Кина се урнаа две брани, соопшти кинеското Министерство за вода и предупреди на безбедносните ризици од старата инфраструктура за време на летната сезона на поплавите. Луѓето кои живеат во близина на браната се евакуирани и сè уште нема информации за евентуално настрадани. Според официјалните информации, изминатиот викенд паднале во просек 87 милиметри дожд, а метеоролошката станица Морин Дава измерила дури 223 милиметри врнежи од дожд.
Two dams in northern China collapsed. The waters of the corresponding reservoirs are flooding nearby towns.
Video shows water overtopping one of the dams and minutes later the entire dam is washed away. The damage is catastrophic.
July 18, 2021
Hulunbuir, Inner Mongolia pic.twitter.com/ST5hnLZ5zy— Things China Doesn’t Want You To Know (@TruthAbtChina) July 19, 2021
Според локалните власти на градот Хулунбуир, на околу 16.660 лица им се заканува поплава, околу 53.807 хектари земјоделско земјиште се поплавени, а уништени се мостови и друга сообраќајна инфраструктура.
Кина има повеќе од 98.000 дренажни резервоари што се користат за контрола на поплави, производство на енергија и како транспортна рута, но повеќе од 80 проценти од овие структури се стари 40 години и повеќе, па затоа се сметаат за безбедносен ризик, рече кинеската влада во изјава.
Екстремните временски услови погодија различни делови на светот во последните неколку недели. Поплавите во Европа и топлотните бранови, придружени со шумски пожари во Северна Америка, ја зголемуваат загриженоста за влијанието на климатските промени врз времето.